حنان حبیبزی
په پرمختللو هیوادونو کې د وسلو مخ په ډیریدونکي تولیدات او مخکښ شتمن چې ددولتونو په جوړولو کې لاس لري له خوا د رسنیو کنټرول ددې لامل ګرځیدلی دی چې جګړې دوام وکړي. د جګړې په دوام کې د وسلو تولیداتو ته ژوندی بازار پرانیستل کېږي، او رسنیو ته لاره اواریږي چې ډیر رسنیز اعلانات خپاره کړي.
یانې د وسلو د کاروبار د جاري ساتلو لپاره باید د نړۍ یو برخه نا ارامه وي چې د وسلو کمپنۍ وکولای شي خپلې وسلې وپلوري.
د خلکو ترمنځ باید ویره او تراه وي چې خلک وسلې ته پنا وروړي. د دریمې نړۍ په هیوادونو کې مطرح سیاستوال له دې کمپنیو څخه پیسې اخلي او نا ارامۍ ته اجازه ورکوي چې د هیواد په ګوډ ګوډ کې روانه پاتې شي.
له دې بهیر څخه نوی متن تولیدیږي، ټکان ورکونکي او هیجاني خبرونه او بحثونه راپورته کېږي. ځانګړې سوداګریزې رسنۍ ګومارل کېږي چې جګړه توده وساتي، ډراماټیک او هیجاني راپورونه خپاره کړي چې مخاطبانو ته ټکان ورکوي یایې احساساتي کوي او له رسنۍ سره يې نښتی ساتي.
په دې وخت کې هغو سوداګریزو اعلاناتو خپرولو ته لاره اواریږي چې چې رسنۍ خپلو مخاطبانو ته پرې نوې لاره وښي یانې مجبور يې کړي چې لګښت وکړي او یو ځانګړی توکی راونیسي. په دې توګه دغه رسنۍ خپل مخاطبان په سوداګریزو شرکتونو پلوري.
له دې سره مخاطب نه یوازې د بل چا خوښه ناخوښه راخپلوي او خپله خوښه ناخوښه قرباني کوي بلکې لګښت هم باید وکړي چې دا یو لوی زیان دی چې تجارتي رسنۍ یې خپلو مخاطبانو ته رسوي. له بلې خوا همدا مخاطبان له هغو جګړیزو بریدونو څخه ژوندي وتلي چې پرې روا بلل شوي دي.
دغه عکس مې جوړ کړ چې تاسې ته يې وښیم چې په پروختللو هیوادونوکې د رسنیو مخاطبان په ذهني توګه انډول نلري او هغې خواته ځي چې رسنۍ ورته وايي.
Comments
Post a Comment