خبریالي: د حقایقو لپاره زړورتیا او قرباني

د الله په نوم چې ډېر مهربانه او ډېر رحم والا دی. 

د الجزیرې خبریالانو د اوربند روسته خپلې خولۍ ایسته کړې

لیکنه: حنان حبیبزی 

خبریالي یو سپېڅلی او له ژمنتیا ډک چوپړ دی چې د ټولنې غږ پورته کوي او د حقایقو ښکارندویي کوي، داد مسلکي ارزښتونو او اصولو په رڼا کې یو سخت او ننګونکی مزل دی. په ځانګړي ډول هغه خبریالان چې د جګړې، کړکېچ او اشغال لاندې سیمو کې کار کوي، د خپل ژوند په قربانۍ سره له ظلمونو او تیریو څخه پرده پورته کوي او د بیوزلو کسانو غږ د نړیوالو د غوږونو او سترګو رسوي. د الجزیرې خبریالانو د غزې په جګړه کې د ژمنتیا او زړورتیا بېلګه وښوده چې د بمونو او وحشت تر سیوري لاندې یې د خلکو غږ خپراوه، او نړۍ ته یې رساوه. ددې سره سره چې د نیواکګرو ځواکونو له خوا تر بریدونو راغلل او ځینو یې خپل ژوند او د کورنیو د غړو د له لاسه ورکولو سره سره بیایې هم په زوړرتیا د رښتیاو خپرول پرېنښوول او یوازې پخپلو راپورونو کې د رښتیاو ښکاره کولو ته ژمن وو بلکې د جګړې د قربانیانو د دردونو او کړاوونو ریښتینې انځورګري وکړه چې دا کار له سختو بدني او ذهني ربړونو څخه خالي نه وو. دوی د جګړې پر مهال له مرګوني ګواښونو سره مخ وو، خو د خپل مسوولیت د ترسره کولو لپاره یې شاته ګام وانخیست. خبریالانو د نیوکګرو ځواکونو د هر یو برید او وحشت تر منځ د انساني ارزښتونو ژغورلو هڅه کوله او نړۍ ته یې وښوده چې د جګړې ریښتینې بیه یوازې د جګړې په ډګر کې دوه مخامخ غاړې نه ورکوي، بلکې په اصل کې یې هغه خلک پرې کوي چې ملکیان دي، په ځانګړي ډول ښځې، ماشومان، په غزه کې له سل زرو څخه زیات ملکي خلک ووژل شول او د پاتې خلکو کورونه او انستیتونه یې ویجاړ کړل او دوی بې بېځایه کېدو ته مجبور کړل چې دا حالت له لوږې، خوارځواکۍ او بیوزلۍ او سختۍ سره ملګری وو. د الجزیرې خبریالانو د خپل قلم او کامرې په وسیله دا ثابته کړه چې خبریالي یوازې یو مسلک نه دی، بلکې د مظلومو خلکو د غږ لپاره یو مسؤلیت او قرباني غوښتونکی رسالت دی.