کابل ته د خلیلزاد روستی خبرداری

حنان حبیبزی

داسې ګومان کېږي چې امریکا او طالبانو اوربند کړی وي، امریکايي ځواکونه پریږدي چې د شمال ‌‌‌‌‌‌ډیرې سیمې طالبان ونیسي چې په اشرف غني فشار واچوي،  که دا سم وي نو ولسمشر او دده ټيم تر سخت ګواښ لاندې دی او ماته ښکاري چې خلیلزاد روستی خبرداری ورکړي که د امریکا د سولې د تګلارې مخالفت کوې نوښه به نه وي درته.

خلیلزاد د کرزي ملګری دی اوله اشرف غني سره دومره جوړ نه دی ځکه چې دی یوازې خپل ځان مني نور څوک هیڅ شی ورته نه ښکاري. نو د خلیلزاد داسې کس نه دی خوښ.
له بلې خوا لویه ستونزه دامنیت د شورا مشاور پخپل هغه نادیپلوماتیک بیان سره جوړه کړه چې امریکاته یې پخپل روستي سفر کې د خلیلزاد په اړه درلوده او دا ددې لامل وګرځیده چې د ارګ او سپینې ماڼۍ  ترمنځ واټن پراخ شي.

 ددې ستونزې د حل لاره وه، که ده د ملي امنیت دشورا ریس استعفا ته هڅولی وای یایی له دندې لرې کړی وای او پرځای یې بل څوک ګومارلی وای، واټن تر دې حده نه ‌‌‌‌‌‌ډیریده.
 اوس دې مسالې ته په پام سره چې امریکا او طالبان ‌‌‌‌‌‌ډیر سره نژدې دي او په دوحه کې هره ورځ سره ګوري نو طالبان له دې هرڅه خبریږي او په وړاندې یې طرحې جوړوي. 
د طالبانو د دوحې په پلاوي کې ملافاضل، ملا نورالله نوري، ملاخیرالله خیرخوا اوملا عباس ستانکزی پوځي ستراتیژیستس دي چې له مخکې په شمال کې ‌‌‌‌‌‌ډیر جنګیدلي دي او اراضي ښه ورته مالومه ده.

 دوی خبرې اترې په داسې بڼه مطرح کوي چې ددوی ګټې پکې خوندي وي. د بیلګې په توګه د کندوز او بغلان جګړه په داسې وخت کې کېږي چې هلته خبرې روانې دي او د موقت حکومت خبرې کېږي نو طالبان هڅه کوي چې ‌‌‌‌‌‌ډیره سیمه تر خپلې ولکې لاندې راولي چې په کېدونو بین الافغاني خبرو اترو کې برلاس ولري.

د کندوز د جګړې او د بغلان د جګړې له بڼې ښکاري چې امریکایان د طالبانو بڼه عملیات نکوي او افغان ځواکونه چې پر بهرنیو مرستو تکیه وهي د امریکا د شرطونو د نه منلو پر مهال ښايي پرې ودرول شي چې بیا د وسله وال فعالیت وړتیا له لاسه ورکوي او ددې خطر شته چې وپاشل شي.
ددې ملامتي په کابل میشتو چارواکو پورې کېږي چې په دې. تیرو اتلس کلونو کې یې داسې کورنۍ سرچینه چمتو نکړه چې افغان پوځ پرې ‌‌‌‌‌‌ډ‌‌‌‌‌‌ډه ووهيي.