دوسلو شرکتونه د سولې خلاف لیکنې خپروي
حنان حبیبزی
د وسلو شرکتونه جګړه غواړي او په رسنیو کې د سولې ضد لیکنې کوي. ترمپ چې یو بیلیونر دی او ټول ژوند يې په سوداګرۍ کې تیر کړی دی او اقتصادي مشاوریتونه يې کړي دي، د افغانستان جګړه د امریکا د ملي ګټو او اقتصاد خلاف او احمقانه بولي، خو د وسلو او د پوځي تولیداتو شخصي شرکتونه غواړي چې جګړه دوام ولري. د افغانستان د سولې خلاف په نړیوالو رسنیو کې د وسلو د شرکتونو استازي د سولې خلاف د ذهنیتونو په جوړولو اخته دي. افغانان په ځانګړي ډول ارګ میشتي او هغه هیوادوال چې په دې اتلس کلونو کې رالوی شوي دي په بهرني پروپاګند خوشباوره شوي دي. تحقیق ډیر مهم دی، باید د هرې پیښې لکه د سولې د خبرو اترو پرمهال د امریکا د پوځی یرغلونو تاریخ ولولي چې په تیر وخت کې يې په نورو هیوادونو کې د جګړو د پایته رسولو پرمهال څه ډول تګلاره او چلند غوره کړی وو. موږ ته باید د هر افغان ژوند ارزښت ولري، که هغه د هر نژاد او مذهب وي، که موږ د بل افغان ژوند ته ارزښت ورنکړو نو زموږ ارزښت څه دی؟ که جګړه نه وي نو ددوی وسلې او نور پوځي او لوژیستکي وسایل چیرته وپلورل شي، دوی باید بازار ورته پیدا کړي چې مصرف شي. د وسلو شرکتونه باید د یو هیواد او بل هیواد په وړاندې ګواښونه راپورته کړي چې د وسلو کاروبار روان وي. د بیلګې په توګه د استنبول دریځ چې ظاهرا د واشنګټن ضد او اسرایل ضد بلل کېږي له روسیې څخه يې ددفاعي سیستم پېرلو ته مجبور کړ. شتمن او اټومي هیوادونه څه ډول دغه اقتصادي انګیزه جوړوي؟ یوه لار يې ژبني ګواښونه او د وضعیت خطرناک ښوول چې کوچني هیوادونه وویریږي چې ځواکمنو هیوادونو ته جزیه ورکړي اوهم ترې مرسته وغواړي او په دنننیو محرمو مسالو کې د لاسوهنې لاره ورکړي. د دریمې نړۍ هیوادونه چې خلک يې جاهل او د نړیوال کلي له شرایطو سره برابر نه دي، باید د نوو وسلو او جګړیزو ټاکټیکونو د رواجولو او ازمیښت د خامو موادو په څیر ترپښو لاندې شي. ددوی پروپاګند دومره پراخ دی چې د رسنیو د مخاطبانو ذهنونونه د خپل چاپیریال د ګټو خلاف پروګراموي او هلته پخپله ګټه حرکتونه پنځوي. ددې لپاره اړینه ده چې هر افغان خپلې ګټې او زیانونه وپیژني او تل د هرچا خبرې ونه ومني او خپله څیړنیز تفکر ولري زما ددې لیکنې په اړه هم تاسې باید څیړنې وکړي، د هغو مسالو په اړه چې ما یادې کړي دي. مهمه مساله داده چې موږ د خپل هر سیال هیواد شالید ولولو او ځان پرې پوهه کړو او په دې ځان وپوهوو چې زموږ د هیواد په اړه څه تګلاره لري، په دې اړه علمي او مستند دلایل ځانته پیدا کړو چې قناعت راکړي. نیواکګر هیڅکله ستا خدمت نکوي بلکې تا د خپل خدمت لپاره کاروي خو کله چې ته پخپله ګټه او زیان وپوهیږې نو د سیالې غاړې تر اغیز لاندې نه راځې. لکه منډیلا چې په سویلي افریقا کې د تور پوټکو دحقونو داخیستولو لپاره هلې ځلې پیل کړې د امریکا په ګډون ټولو متحدینو له خوا ترهګر وبلل شو او په زندان کې واچول شو. خو کله چې له زندان خلاص شو نړیوال اتل وبلل شو او د نوبل جایزه ورکړل شوه. د امریکا پخواني ولسمشر نیکسن چې کله په نولس سوه پنځه اویایم میلادي کې د ویټنام جګړه دخپلو عسکرو په باسلو سره پایته ورسوله نو په دغه وخت کې ویتنام په دوه برخو ویشل شوی وو. امریکاپلوي ویټنام، له پاڅون کونکي ویټنام سره د سولې هوکړه وکړه او دواړه خواوې سره یوځای شوې او هیواد يې په ګډه جوړکړ.
حنان حبیبزی
د وسلو شرکتونه جګړه غواړي او په رسنیو کې د سولې ضد لیکنې کوي. ترمپ چې یو بیلیونر دی او ټول ژوند يې په سوداګرۍ کې تیر کړی دی او اقتصادي مشاوریتونه يې کړي دي، د افغانستان جګړه د امریکا د ملي ګټو او اقتصاد خلاف او احمقانه بولي، خو د وسلو او د پوځي تولیداتو شخصي شرکتونه غواړي چې جګړه دوام ولري. د افغانستان د سولې خلاف په نړیوالو رسنیو کې د وسلو د شرکتونو استازي د سولې خلاف د ذهنیتونو په جوړولو اخته دي. افغانان په ځانګړي ډول ارګ میشتي او هغه هیوادوال چې په دې اتلس کلونو کې رالوی شوي دي په بهرني پروپاګند خوشباوره شوي دي. تحقیق ډیر مهم دی، باید د هرې پیښې لکه د سولې د خبرو اترو پرمهال د امریکا د پوځی یرغلونو تاریخ ولولي چې په تیر وخت کې يې په نورو هیوادونو کې د جګړو د پایته رسولو پرمهال څه ډول تګلاره او چلند غوره کړی وو. موږ ته باید د هر افغان ژوند ارزښت ولري، که هغه د هر نژاد او مذهب وي، که موږ د بل افغان ژوند ته ارزښت ورنکړو نو زموږ ارزښت څه دی؟ که جګړه نه وي نو ددوی وسلې او نور پوځي او لوژیستکي وسایل چیرته وپلورل شي، دوی باید بازار ورته پیدا کړي چې مصرف شي. د وسلو شرکتونه باید د یو هیواد او بل هیواد په وړاندې ګواښونه راپورته کړي چې د وسلو کاروبار روان وي. د بیلګې په توګه د استنبول دریځ چې ظاهرا د واشنګټن ضد او اسرایل ضد بلل کېږي له روسیې څخه يې ددفاعي سیستم پېرلو ته مجبور کړ. شتمن او اټومي هیوادونه څه ډول دغه اقتصادي انګیزه جوړوي؟ یوه لار يې ژبني ګواښونه او د وضعیت خطرناک ښوول چې کوچني هیوادونه وویریږي چې ځواکمنو هیوادونو ته جزیه ورکړي اوهم ترې مرسته وغواړي او په دنننیو محرمو مسالو کې د لاسوهنې لاره ورکړي. د دریمې نړۍ هیوادونه چې خلک يې جاهل او د نړیوال کلي له شرایطو سره برابر نه دي، باید د نوو وسلو او جګړیزو ټاکټیکونو د رواجولو او ازمیښت د خامو موادو په څیر ترپښو لاندې شي. ددوی پروپاګند دومره پراخ دی چې د رسنیو د مخاطبانو ذهنونونه د خپل چاپیریال د ګټو خلاف پروګراموي او هلته پخپله ګټه حرکتونه پنځوي. ددې لپاره اړینه ده چې هر افغان خپلې ګټې او زیانونه وپیژني او تل د هرچا خبرې ونه ومني او خپله څیړنیز تفکر ولري زما ددې لیکنې په اړه هم تاسې باید څیړنې وکړي، د هغو مسالو په اړه چې ما یادې کړي دي. مهمه مساله داده چې موږ د خپل هر سیال هیواد شالید ولولو او ځان پرې پوهه کړو او په دې ځان وپوهوو چې زموږ د هیواد په اړه څه تګلاره لري، په دې اړه علمي او مستند دلایل ځانته پیدا کړو چې قناعت راکړي. نیواکګر هیڅکله ستا خدمت نکوي بلکې تا د خپل خدمت لپاره کاروي خو کله چې ته پخپله ګټه او زیان وپوهیږې نو د سیالې غاړې تر اغیز لاندې نه راځې. لکه منډیلا چې په سویلي افریقا کې د تور پوټکو دحقونو داخیستولو لپاره هلې ځلې پیل کړې د امریکا په ګډون ټولو متحدینو له خوا ترهګر وبلل شو او په زندان کې واچول شو. خو کله چې له زندان خلاص شو نړیوال اتل وبلل شو او د نوبل جایزه ورکړل شوه. د امریکا پخواني ولسمشر نیکسن چې کله په نولس سوه پنځه اویایم میلادي کې د ویټنام جګړه دخپلو عسکرو په باسلو سره پایته ورسوله نو په دغه وخت کې ویتنام په دوه برخو ویشل شوی وو. امریکاپلوي ویټنام، له پاڅون کونکي ویټنام سره د سولې هوکړه وکړه او دواړه خواوې سره یوځای شوې او هیواد يې په ګډه جوړکړ. 
Comments
Post a Comment