د موسی کلا ‌‌‌‌‌‌ډله ییزه وژنه د ګیدړو {بریدګرو},په ماته دلالت کوي

ددغو کمکیو ګلانو څه ګنا وه؟ ایا دا وژنې چې مخالف دې کم جرته کړې؟‌ دا ماشومانې د ژوند په  هیله وې او د ژوند دښمنانو راورژولې. موږ نه پوهیږو چې دا ماشومانې یې ولې ووژلې. که ګنايي نشې ثابتولی بیایې قصدا ویشتلي او قومانده یې هم د اشرف غني په لاس کې ده، هغه بله ورځ یې ددې بریدونو مسولیت هم په غاړه واخیست، ددې وژنو موخه داده چې خلک په زوره مجبور کړي چې دا نیمکله ظالم حکومت ومني. خلک له خپلو اجتماعي حقونو څخه محروم کړي او نوی مغلي خونړی تاریخ تر شا پریږدي، او ولس چې ددې هیواد د ساتنې اصلي سرچینه ده په غمونو او وینو یې لولپه وساتي چې پخپل ځان وي او دی یې له بادارانو سره هیواد لوټ کړي، ځکه چې دی بل چاته صلاحیت نه ورکوي، که ورور یې هم وي صلاحیت ترې وغواړي نه یې ورکوي.  تاسې ووايي چې ددې هوای برید او د کابل په هوټل کې په واده د څو اونیو مخکیني برید ترمنځ څه توپیر دی ؟ که چیرې فرق وي نو هغه به څه وي؟  او که نه وي بیا خو د برید په څیر بریدګر هم یو شان وګڼل شي. هغه ترهګر دي چې په ښارونو کې بریدونه کوي، ټول په دې موافق دي، خو دا بریدګر څه دي چې داسې ماشومانې یې قتل عام کړې په موسی کلا کې چې لاسونه او پښې په نیکریزو رنګ وې. ته هم ځانته ولسمشر وايي او لاسونه دې د کمکیو نجونو ماشومانو په وینو ککړ دي.  داخو یوه ورځ نه ده چې موږ ووايو دا تیروتنه وشوه. دوه ورځې نه دي. هابله ورځ په ننګرهار کې او نن په موسی کلا کې د عامو خلکو وژنه پرته له محاکمې جنګي جنایت دی.

زه له تا محترم لوستونکي پوښتنه کوم چې دا ولس په کوم جرم وژل کېږي؟ ایا څوک یې ثبابتولی شي چې کوم افغان کندهاري، یا هلمندي، یا ننګرهاري یا هراتي، یا فراهي له افغانستانه بهر په هغو هیوادونو برید کړی وي چې دا اتلس کاله د افغانستان په کلیو کې جګړه کوي او ماشومان او ښځې وژني.
افغانستان څلویښت کاله کېږي چې د جګړې په اور. کې سوزیږي، ایا کوم افغان وسله وال له هیواده بهر د کوم شخص یا کومې ‌‌‌‌‌‌ډلې په ضد عملیات کړي دي.
ایا دا ماشومانې د ژوند حق لري؟ ایا دا ماشومانې ښځینه نه دي او دوی ښځبنه حقونه لري کنه؟ ایا افغانانو په کوم پردي هیواد برید کړی؟ د یولسم سپتمبر برید ظاهرا چا کړی وو هغه خو په پاکستان کې ووژل شو؟ دننه د پاکستان په زړه کې ووژل شو او هر بهرنی ترهګر چې نیول شوی دی هغه یا په پنجاب ایالت کې نیول شوی دی یا هم هماغلته وژل شوی دی.

اوس دا جګړه تاسې څنګه تعریفوی؟ دا لیکوال، خبریالان او روڼ اندي باید راغون‌‌‌‌‌‌ډ شي او په دې بحث وکړي او دا ملګرو ملتونو څخه وغواړي چې افغان وژنه ودروي. دا پخپله خاوره کې د افغانانو وژنې او حقونو څخه یې بې برخې کولو مثال یې د جنوبي افریقا د تورپوټکو برخلیک په څير دي چې په نولسمه پيړی کې روان وو. دا په هر افغان باندې ده چې ددې خونړي حالت په ضد نظر ورکړي.

د موسی کلا مثال یې وروستی دی چې په افغانانو باندې رقم رقم بمونه وري او دوی د افغان انسان لپاره پخپل هیواد کې د ژوند کولو حقونه ترې اخلي. نه یې ماشوم پریږدي، نه یې ناوې او نه یې سپين ږیری او نه مور او خور ورته ژوندۍ پریږدي، یو مخ یې له منځه وړي. همدا خبره ده چې د ښځو حقونه، بشري حقونه او د ماشومانو حقونه تش درواغ دي او د جیبونو د ‌‌‌‌‌‌‌‌‌‌‌ډکولو وسیله ده، هغه جیبونه چې د افغانانو په وینو رنګ دي. هو وي به، د واکمنو د اولادونو او د کورنۍ غړو لپاره، خو د زما عادي افغان ته نشته دی. زه د یو افغان په توګه په ټولو افغانانو او نړیوالو غږ کوم  چې افغانانو ته یې انساني حقونه ‌‌‌ورکړی او جګړه ودروی.