د ایران په پوځ کې روانه ستونزه د حقارت او د ویره ژور احساس

لیکنه: حنان حبیبزی 

تهران پخپل حقیر او ویریدلي پوځ باندې لافې وهي او ګواښنه کوي، دوی له کلونو راهیسې نړۍ له دې ویروي چې ګویا پرمختللي پوځي وسایل تولیدوي، دا یوازې داسې پوفې او تبلیغات دي چې ځانته ورباندې تسلي ورکوي. 

نړیوال په ځانګړي ډول د ایران هر ګاونډی پوهیږي چې ددغه هیواد پوځ د مورال د ټیټیدو او په خپلو لیکو کې د زیاتیدونکې ناخوښۍ سره لاس او ګریوان دی،  لکه د روڼتیا نشتوالی، فساد، او غیر موثر مشرتابه د سرتیرو په منځ کې د نهیلۍ له احساس سره مرسته کړې ده. د روښانه ستراتیژیک لارښود نشتوالی،  او د پوځي مسلک د پرمختګ لپاره د محدود امکاناتو شتون يې روحیه يې نوره هم له منځه وړې ده، په پوځ کې دننه ډیری کسان د ایران د اخوندانو حکومت یو بېثباته حاکمیت بولي چې ژر به بدلیدونکی دی، د همدې لپاره پوځ مورال نلري او  د ټیټې انګیزې او د کمو تاثیراتو احساس پکې دی،  او ډیر ځلې د یرغلونو په وړاندې د تیښتې هڅه کوي چې دا اړخ يې کولی شي، د افغان پوځ لپاره د مخامختیا پرمهال په زړه پورې وي. 

ډیر ځلې چې ایران د ټیکنالوجۍ او پوځي ځواک خبرې کوې، دا یوازې لافې دي، موخه يې پروپاګند دی، او ځانته دروغجن باور ورکول دي، د ایران دپوفو او پټاقو سره سره يې پوځ ډیری په پخوانیو تجهیزاتو ډډه لګولې او پرمختللو ټیکنالوژیو ته لاسرسی نلري. ځکه په ایران کې د ټیکنالوجۍ د تولید وړتیا نشته دی، که تاسې وګوری، د ایران مساپر وړونکو الوتکو ته، تر اوسه پورې هغه زړې الوتکې کاروي چې تاریخ يې په نولس سوه اتیایمو کلونو کې پایته رسیدلی دی، د همدې لپاره الوتنې له پرځيدو سره مخ کېږي،  نه نوې الوتکې جوړولی شي او نه هم زړو الوتکو ته اړین پرزجات جوړولی شي، له بهرنیو هیوادونو څخه د الوتکو پرزې پېري او دې تشې د پوځ د عصري کولو هڅې له خنډ سره مخ کړي دي. 

د پوځ د ساتنې او تدارکاتو لپاره ناکافي بودیجه ددې لامل شوې ده چې د سیمه ییزو سیالانو ترمنځ بې کیفیته پاتې شوی پوځ به يې هیڅکله له افغان زړور پوځ سره مخامختیا ونشي کړی. د ایران په پوځ کې دې توپیر د امنیتي ننګونو په وړاندې د اغیزمن ځواب ورکولو وړتیا له منځه وړې ده، او داد افغانستان لپاره ښه خبر دی. 

د ایران وروستیو څرګندونو او د افغانستان په وړاندې د بېځایه ګواښونو پایلې به  ورته ډیرې ویجاړونکې وي. په داسې حال کې چې ځینې ښايي دغو کړنو ته د سیاسي دریځ او فشار په سترګه وګوري، خو دا مهمه ده چې د ایران  بې روحیه پوځ ته پام وشي چې هیڅ ډول وړتیا نلري، او د جګړې له میدان څخه تیښته کوي.  یومعیوب او فلج شوی ځواک کولی شي د ایران لپاره د پراخې بې ثباتۍ لامل شي.

د مورال نشتوالی، زاړه تجهیزات، او محدودې سرچینې ټول د ایران د پوځي وړتیاو په اړه مالوماتو کې مرسته کوي چې د کابل په وړاندې به د تهران هرډول پوځي اقدام بیرته د ایران سر وخوري.