سویلي افریقا، زموږ میلیمانه یاست: افغان کرکټ او د مېلمه پالنې کیسه

 

Photo credited to ACB 

سویلي افریقا،  زموږ میلیمانه یاست: افغان کرکټ او د مېلمه پالنې کیسه

لیکنه: حنان حبیبزی

کله چې د شارجه په شګو کې ماښام ورو ورو خپرېده، د میلمه پالنې یوې ځانګړې کیسې په دودیزه بڼه لیکل پیل کړل.  دا کیسه د کرکټ او افغان مېلمه پالنې تر منځ نغښتل شوې وه، یوه مېلمه پالنه چې له خپلې خاورې لرې، خو د خپل دود او کولتور له پلوه ډيره نزدې ده. 

د جنوبي افریقا د کرکټ لوبډله له لرې سمندرونو را واوښته، تر څو په شارجه کې د افغان ملي لوبډلې په کوربتوب د کرکټ تاریخي لوبغالي ته ورشي. دا لوبغالی د افسانوي سیالیو له کیسو ډک دی. دلته د سویلي افریقا لوبغاړي یوازې سیالان نه دي، بلکې د افغانانو له اند او دود سره سم درانه مېلمانه دي ځکه چې موږ يې کوربه یو،  نو د مېلمه پالنې په برخه کې افغانان له لرغونې پېر راهیسې ځانګړی نوم لري.

افغان لوبډله، په اسماني شنو جامو کې ښکلې ښکاره کېده، د کرکټ په ډګر کې يې د معیار،  وړتیا او د کرکټ د لوبیز هنر نندارې ته وړاندې کړ. دوی په خورا ځيرتیا او زړورتیا سره يې لومړۍ او دومه یو ورځنۍ سیالۍ وګټلې، او له دې بریا سره یې د یو نوي ځواک په توګه  د افغان کرکټ د وده نښې نښانې څرګندې کړې. په دې سره افغان کرکټ ملي لوبډلې وکولای شول چې د سویلي افریقا په وړاندې د درې یو ورځنیو سیالیو دا لوبلړۍ وګټي. 

Photo Credited to ACB

د دې بریا وروسته، د افغانانو دودیزه مېلمستیا جوړه شوه. د شارجه د دښتې هوا د کابلي پلو او افغان خوراکونو په خوشبویۍ ډکه وه، که هم میلمستیا د هوټل دمیلمنو په تالار کې وه، خو د شارجه په ښار کې دا د خپل ډول لومړنۍ هغه وه، او میلمانه په خوښۍ سره ناست وو او د افغاني وچو میوو له خوړلو څخه يې خوند اخیسته،  د مېلمستیا له فضا ښکلې وه. مېلمانه په افغان کولتور کې ډوب شوي وو، د فاروقي ټوکې ټکالې او میلمه لوبډلې ته د افغان لوبډلشر، کوچ او نورو لوبغاړو تود هرکلی او فضا د افغان  دود او کولتور په کیسو او د شنو چایو پیالې یې سره شریکولې. د مېلمستیا پر مهال، افغانانو خپلو افریقایي مېلمنو ته ځانګړې ډالۍ ورکړې. په دې ډالیو کې د افغان کولتور نښې، ښکلي افغاني غالۍ او وچه میوه شامله وه، چې دا ټول د افغانانو د شتمن دود څرګندونه کوي.

                                                      Photo credited to ACB

دا مېلمستیا یوازې د کرکټ په سیالۍ کې د بریا جشن نه و، بلکې د افغان مېلمه پالنې دود ښکلې او طبیعي ننداره وه. د افغان کرکټ لوبغاړي، چې یو وخت به خلکو د وړې لوبډلې د غړو په توګه پېژندل، اوس  ویاړلي کوربانه دي چې د نړۍ د غښتلو لوبډلو کوربتوب کوي، او دا هغه شیبه ده چې د افغان ملت دغه اتلان یو نوې کیسه لیکي چې د زغم، یووالي، دریدلو  او مېلمه پالنې ښکارندوی ده.

څومره چې ماښام اوږدیده، دشارجه د دښتې د څراغونو ځلا ډیریدله او ددې میلمستیا او پرمختګ په تایید یې رڼاګانې خپرولې. هر ځل چې دې د برښنا یو څراغ ته کتل روڼ او ځلیدلی ښکاریده ، داسې چې لکه دوی هم د خوشالي کوي، او افغان کرکټ او افغان مېلمه پالنې لپاره خوښ دي.

ددې لیکنې انګریزي بڼه دلته ولولی