د شوروي خلاف له حکمتیار سره امریکا تر ټولو ډيرې مرستې ولې کولې؟

ځکه چې دی د روسانو خلاف قوي ترینه ځواک وو لکه نن چې طالبان د امریکا پخلاف قوي ترینه ځواک دی. 
دا هغه سړی دی چې د کرملین ماڼۍ یې په لړزه راوستله او روسان يې مجبور کړل چې افغانستان پریږدي. 
هغه افغانان چې د روسانو له ملاتړ څخه په برخمن حکومت کې وو، ولې له حکمتیار کرکه لري ددې لپاره چې حکمتیار قوي ترینه اړخ وو چې حکومت ورسره مخامخ وو. 
پرون ما له یوتلویزون څخه یو پخوانی جنرال صاحب چې په پوځي پیلوټۍ کې یې اتلولي اخیستې وه، واوریده پوښتنه ترې وشوه ایا په هوا کې ستا الوتکه خرابه شوې ده؟ هغه وویل ډیره، څوڅو ځلې يې الوتکه په کونړ، جلال اباد، کندهار، هلمند، پکتیا او هرات کې ویشتل شوې ده، یانې داسې یې ونه ویل چې په پنجشیر کې ویشتل شوې ده یا پغمان کې.
زما خپله په یاد دي چې مسعود د روسانو د یرغل پرمهال په بغلان کې د حکمتیار په مرکزونو بریدونه وکړل، د اندراب له لارې، د مسعود کسانو پیاده جنګ کاوو چې زما د ورور په ګډون زموږ ډیر کلیوال چې ټول ملکي خلک وو پکې ولګیدل، او له پاسه روسانو بمبارد کاوو.
هوای کومک ورته روسانو ورکاوو او هرسړی چې يې لیده نیپال بم په غورځاوه. ځینې وخت به الوتکې راغلې د مسعود کسانو به د حکمتیار د سنګر طرفته رسام مرمۍ ووشته چې روسي الوتکو ته د حزب مرکز وروښيي.بیابه دغه جیت طیارې ورغلې او هلته به یې بمونه واچول.
دایو حقیقت دی، ورشی د خنجان له خلکو پوښتنه وکړی، د دوشي له خلکو پوښتنه وکړی او د اندراب له خلکو پوښتنه وکړی.
د مسعود یو قومندان وو عبدالرب نومانده، نه یې سپین ږیري ته کتل او نه يې ماشوم ته هر څوک يې بندي کول، او لښتې يې ورته پرې کولې، شپه د سبايي په لښتو واهه، بیابه يې یخ ته په لوڅو پښو ودراوه، په کورونو باندې يې ډوډۍ په زوره خوړله.
په دې توګه که تاسې د روسانو خلاف د جګړې تاریخ ته وګوری نورو ډلو ان له روسانوسره هم جوړجاړی وکړ او له هغوی يې مرستې ترلاسه کولې په داسې حال کې چې د روسانو یرغل یو ښکاره تیری وو چې باید په وړاندې يې افغانان دریدلي وای او حکمتیار دا کار وکړ.
په هیواد کې دا ټول پاڅون دده ترمشرۍ لاندې ترسره شو چې بیاروسته د بهرنیو لاسوهنو له کبله دا نور تنظیمونه له حکمتیار بیل شول.