مېرمن مېړه ته: زه غواړم خپل انځور فیسبوک ته پورته کړم

له عربي څخه پښتو ته ژباړل شوی متن

 لیکوال يې ناڅرګند دی

مېرمن: ګرانه، زه غواړم خپل انځور په فیسبوک کې پورته کړم. او حجاب مې هم وي. خو ستا له اجازې وروسته.

ستا نظر څه دی؟

مېړه: هیڅ امکان نلري! زه به هېڅکله دا ونه منم.

مېرمن: نه!!! ولې نه؟

ته ډېر سخت دریځه یې! او بښنه غواړم، خو ته ډېر محدود فکر لرې!

په واټونو کې خلک ما د حجاب سره ویني، او زما انځور چې پورته کوم، هغه هم د حجاب سره دی. خلک به ما په سړک کې یا فیسبوک کې ویني. توپیر یې څه دی؟

مېړه: زه به درته توپیر واضح کړم، ګرانې. خو لومړی باید زما پوښتنو ته ځواب ورکړې.

مېرمن: سمه ده، حاضره یم، ګرانه.

مېړه: که ته سوپرمارکېټ ته لاړه شې، او د هټۍ څښتن دې هر حرکت وڅاري. ستا احساس به څه وي؟

مېرمن: بېشکه، ډېره به خوابدې شم، او وایم به چې هغه بې ادبه او بې تربيه دی.

مېړه: ښه. که فرض کړو زه هم درسره یم، او دا هر څه مې ولیدل، خو هېڅ غبرګون مې ونه ښود، هېڅ پروا مې پرې ونکړه؟ 

مېرمن: خامخا به حیرانه شم او ډېره به خوابدې شم.

مېړه: که فرض کړو د سوپرمارکېټ څښتن يې سترګې ښکته کړې، او ددې وېرې له امله يې ونه کتل چې خلک به یې بداخلاقه وبولي، خو ته بیا خپل انځور په ساده ډول پورته کړې، او دا اجازه ورته ورکړې چې په ټولنیزو رسنیو کې دې انځور ته هر وخت وګوري، په داسې حال کې چې په دغه وخت کې خلک هغه نه ویني. ته دا چلند څه ډول توجیه کوې؟

مېرمن: پوه شوم، ګرانه. ستا خبره سمه ده. رښتیا او حق خو تا وویل.

مېړه: اوس زه یوه بله پوښتنه کوم، او هیله لرم چې رښتیا ځواب راکړې.

مېرمن: خامخا، ګرانه.

مېړه: که زه وپوهېږم چې خلک ستا انځور ګوري، ورته ځير کېږي، او ښايي خوندي يې کړي یايې د بدو موخو لپاره وکاروي، نو زما په اړه به ستا نظر څه وي؟

مېرمن: په رښتیا وېرېږم چې زما ځواب به درته ښه ښکاره نه شي!

مېړه: مه وېرېږه، رښتیا ووایه.

مېرمن: زه به ووایم چې ته بې غیرته یې، نارینتوب نلرې، او د دیني اصولو پابند نه یې.

مېړه: شکر چې پوه شوې.

دا خبره په فیسبوک، وټساپ، انسټاګرام، ټیک ټاک او نورو ټولنیزو رسنیو باندې هم د پلي کېدو یا تطبیق وړ ده. 

کاش چې دا مسئله درک کړو او په سمه توګه يې په زړه کې ځای کړو!